قوی گئنه آیری قالاق،آیری قالاق،عیب ائلمز

گئنه عشقین سازینی آیری چالاق،عیب ائلمز

حسرته دوزمه دن آرتیق الیمیزدن نه گلیر؟!

قوی بو حسرت لر الینده قوجالاق،عیب ائلمز

سئوینیر آللاهیمزدا دئیه سن دردیمیزه

کاش اؤلوب بیر بئله غمدن قوتولاق عیب ائلمز

سنله من شاختالی بیر گونده اکیلمیش مومایاق

مجبوروق بالتادا باخسا اوجالاق،عیب ائلمز!

تا یازیلسین آدیمیز اصلی-کرم دفترینه

قوی ناغیللار کیمی دیل لرده قالاق عیب ائلمز

دئیرم بیزده گؤرن اوز گتیرک آغلاماقا؟!

آغلایاق بلکه بوغوضدان بوشالاق،عیب ائلمز؟!

بیلیرم لم یئسیرن،غملر الینده اسیرن

چاره یوخ آغلاما دای یوخسول اوشاق،عیب ائلمز.